नेपाल होराइजन्स सम्वाददाता
काठमाडौ, चैत्र २०
अमेरिकीलगायत् पश्चिमा नागरिकलाई प्रवेशमा समेत कडाई गरिएको तिब्बतको राजधानी ल्हासामा कूटनीतिक नियोग स्थापनाका लागि पहल गर्न अमेरिकाको परराष्ट्र समितिले आफ्नो सरकारसँग माग गरेको छ। तिब्बत पनि चीनको अरु भूभाग जस्तै खुल्ला हुनुपर्छु भन्दै समितिले अमेरिकालाई यसका लागि चीनमाथि दबाब बढाउनु आग्रह गरेको हो।
ल्हासामा कन्सुलेट स्थापना गर्ने अनुमति दिनका लागि चीनलाई दबाब दिन आवश्यक भएको उनीहरुको भनाइ छ। चीनको स्वशासित प्रदेश तिब्बतको राजधानी ल्हासामा अहिले नेपालको मात्र वाणिज्य दूताबास छ। तिब्बतको सुरक्षा संवेदनशीलता देखाउँदै बेइजिङले अन्य देशलाई ल्हासामा कूटनीतिक नियोग सञ्चालन गर्ने अनुमति दिएको छैन। तिब्बतको सबभन्दा नजिकको छिमेकी र ब्यापार सम्बन्धले गर्दा एक चीनु नीति लिएको नेपालले वाणिज्य दूताबास सञ्चालन गर्ने अनुमति पाएको हो।

   Bookmark