दीपक बस्याल, न्यु मेक्सिको, 

 
न्यु मेक्सिको स्टेट युनिभर्सिटीका नेपाली बिध्यार्थी हरुको छाता संगठन नेसा एनएमएसयु  ले  “Nepalese Diaspora: Hostland Challenges and Homeland Interests” भन्ने शिर्षकमा आधारित   एक दिने सिम्पोजीयम सम्पन्न गरेको छ| मार्च १९ , २०११ का दिन सम्पन्न यो सिम्पोजीयमको आयोजना न्यु मेक्सिको स्टेट युनिभर्सिटी, लस क्रुसेस न्यु मेक्सिको  मा गरिएको थियो|

२००९ र २०१० मा आयोजित दुइ ओटा सफल सिम्पोजिएम पछि नेसा ले गरेको  यो तेस्रो अन्तरास्ट्रिय सिम्पोजियम हो| यस कार्यक्रममा अमेरिकाका विभिन्न बिश्वबिध्यालयहरुमा विभिन्न बिषयमा स्नाकोत्तर तथा विद्यावारिधि  अध्यनरत नेपाली तथा अमेरिकी बिध्यार्थीहरु द्वारा विभिन्न अनुसन्धानमुलक सामग्री हरु प्रस्तुत गरिएको थियो| दुइ भाग मा बिभाजन गरिएको यो कार्यक्रममा पहिलो भागमा बिशुद्द बिज्ञान सम्बन्धि  कार्यपत्र हरु प्रस्तुत गरिएको थियो भने दोश्रो भागमा नेपालको शिक्षा, स्वास्थ्य, अर्थब्यबस्था, जनजाती, बिधुत र  बिज्ञान तथा प्रविधि संग सम्बन्धित अनुसन्धानका कार्यपत्रहरु प्रस्तुत गरिएको थियो|

नेपालीहरुको उलेख्य सहभागिता रहेको यो कार्यक्रम लाइ सम्बोधन गर्दै सस्थाका सल्लाहकार न्यु मेक्सिको स्टेट युनिभर्सिटीका प्रोफेसर डा. राम आचार्यले यस्ता कार्यक्रमले डायोस्पोरा कम्युनिटीको शैक्षीक उत्थान  गर्दै नेपाल तथा नेपाली समुदायको बृहत्तर बिकासमा  बिशेष योगदान  दिन सक्ने कुरा बताउनु भएको थियो| कार्यक्रममा मुख्य बक्ताको रुपमा टरान्ट काउन्टी कलेज, टेक्सासका अनुसन्धानकर्ता डा. अर्जुन बन्जाडे ले नेपाली सामुदायिक रेडियोको अवस्था र भूमिका संग सम्बन्धित आफ्नो अनुसन्धानको  अनुभवहरु सुनाउनुभएको भएको थियो भने कार्यक्रम मा युनिभर्सिटी अफ न्यु मेक्सिको का प्रोफेसर  तथा नेपाल स्टडी सेन्टर का सस्थापक  डा. आलोक बोहराको संदेश पढेर सुनाइएको थियो| बिहान ८ बजे सुरु भएको यो  कार्यक्रमको बिधिबत समापन  संयोजक सुरेश गौतमको  धन्यबाद मन्तब्य  संगै  साझ ५ बजे गरिएको थियो|

   Bookmark