शान्ति सुरक्षा खाई भन्ने अवस्थाको नेपालमा सिर्जना भएकेल । mनयाँ सरकारले शान्ति तथा संबिधान कार्यलाई बलियो बनाउने जनउदै आए पनि तराईका जिल्लहरुमा केही दिन यतादेखि बम आतंक फैलिएको छ । तराईका जिल्लाहरूमा जनजीवन आतंकित बनाउने गरी सार्वजनिक यातायातहरूमा एकाएक शृंखलाबद्ध विस्फोट भएका छन् । पछिल्ला तीन दिनमा भएका विस्फोटहरूमा मात्रै कम्तीमा ४३ जना घाइते भएका छन् । यी घटनाले तराईको जनजीवन आतंकति बनाउदै लगेको छ । यता नेपाल प्रहरी र सशस्त्र प्रहरी बलले देशभर सुरक्षामा कडाइ गरेका बताए पनि भनेजति सरक्षाको प्रत्याभूति दिलाउन नेपाल सरकारले दिन सकिरहेको छैन । मधेसी तीन दलका नेताहरूको भारत भ्रमणपछि तराईका जिल्लाहरुमा यो घटना बृद्धि भएको हो ।
जनतान्त्रिक तराई मुक्ति मोर्चा पार्टीको महोत्तरी, धनुषा, सर्लाही, रौतहट, पर्सा, बारा, कपिलवस्तु, रूपन्देही, नवलपरासी, बाँके र बर्दियामा प्रभाव छ । भगतले नेपाल(भारत सीमा क्षेत्रमा रहेर मुलुकमा हिंसात्मक गतिविधि चलाउँदै आएको प्रहरीले जनाएको छ । काठमाडौंको सुरक्षा स्थिति तत्काल मजबुत पार्न कम्तीमा दुई सय जनशक्ति र डेढ सय मोटरसाइकल चाहिने प्रहरीको दाबी छ । विभिन्न स्थानमा यात्रुबाहक बसम श्रृखंलावद्ध ढंगले बम विस्फोटका घटना भइरहेको बेला काभ्रेमा पनि आइतबार राति एक यात्रु वाहक बसमा विस्फोट गराइएको छ । बसमा कुनै यात्रु नरहेकाले मानवीय क्षति भएको छैन । कोसी पारीको सानोवाङथली(२ लाहुरे देउराली भन्ने स्थानमा रोकि राखेको बा।२।ख ५७७१ नम्बरको बसमा राति २ बजे अज्ञात व्यक्तिले बम फालेका थिए । बम विस्फोटबाट बस क्षतिग्रस्त भएको छ । घटनास्थलमा संयुक्त राष्ट्रिय जातीय मुक्ति मोर्चाको पर्चा भेटिएको छ । पर्चामा जनविद्रोह अभियान लेखिएको छ । कोहलपुर सडक खण्डमा गुडिरहेको बस भित्र शनिबार बम बिष्फोट हुदा ६ जना यात्रु घाईते भए । शनिवार नै बांकेका तीन र बर्दिया जिल्लाका चार ठाउँमा बम फेला पर्‍यो । श्रृखंलाबद्ध ढंगले राखिएका यस्ता बम र बिष्फोटका घटनाले स्थानियवासी त्रसित भएका छन । नेपालगञ्जबाट कोहलपुरतर्फ जाँदैगरेको ना ४ ख १३३२ नम्बरको बसमा बम विस्फोट हुँदा शनिवार दिउसो ६ जना यात्रु घाईते भए । शुक्रवार राति नेपालगन्ज ( ५ देवाफुलबारी स्थित प्रेम थापाको घरमा बिष्फोट गराईयो । बिहीवार नेपालगन्ज( २ घरबारिटोलमा बम बिष्फोट भयो । उक्त बिष्फोटबाट स्टार लजका एक कर्मचारी घाईते भए । बिष्फोट बाहेक शनिबार एकै दिन बाके र बर्दियाका सात ठाउमा बम फेला परेको प्रहरीले जनाएको छ । श्रृखलावद्ध विस्फोटनका घटनाले स्थानिय त्रसित भएका छन । घटनाको जिम्मेवारी फोन मार्फत भुमिगत सशस्त्र समुहहरुले लिने गरेपनि प्रहरीले घटनामा संलग्नहरुलाई पक्राउ गर्न सकेको छैन । जसले गर्दा असुरक्षा बढेको स्थानीय बताउँछन् । शनिवार गुलरिया नगरपालिका र महम्मदपुर गाविसको सडक खण्डमा चार ठाउँमा बम फेला परेको थिए । भुमीगत तराई मधेश मुक्ति पार्टीले आहृवान गरेको बन्दका दिन बम फेला परेका हुन । गुलरिया नपाको पुरानो भादा पुल तुलापुरमा एक, तेजीपुर चोकमा दुई र महम्मदपुर गाविसको गणेशपुर प्रहरी चौकी नजिक बम फेला परेको प्रहरीले जनाएको छ । बांकेमा सार्बजनिक यातायात माथि गराईएको विस्फोटमा परि जुम्ला धापा गाविसका ४० वर्षीय रामदत्त शर्मा, बाके कोहलपुर ( ८ पिपरीका ३८ वर्षीय तिलक बिक्रम चन्द, बाके नेपालगंज ( १३ आदर्शनगरकी ४० वर्षीया राधा यादव, बाके गनापुरकी ३५ वर्षीया सिर्जना यादव, सोही गाविसका ६० वर्षीया छंगा यादव र बाके जयसपुरकी ५ वर्षीया आस्मा जसगढ घाइते भएका छन् । पछिल्लो समयमा बांके र बर्दियामा भएका श्रृंखलावद्ध बम विस्फोटका घटनाले शान्ति सुरक्षाको अवस्था कमजोर बनेको निष्कर्ष अधिकारकर्मीको छ । उनीहरुले स्थानीय प्रहरी प्रशासनलाई नागरिकको जीउधनको सुरक्षाको सुनिश्चितता गर्दै घटनामा संलग्नहरुको पहिचान गरी कानुन बमोजिम कारबाही गर्न र आगामी दिनमा यस्ता घटना हुन नदिन सुरक्षा सतर्कताका निम्ति अनुरोध गरेका छन ।  यस्तै मानवअधिकारबादी संघ संस्थाहरुले घटनामा घाइते भएकाहरुको निःशुल्क स्वास्थ्य उपचारको व्यवस्था मिलाउन स्थानीय प्रशासनसग माग पनि गरेका छन् ।